ഇത് ഇതു വരെ മരുന്ന് കണ്ടു പിടിച്ചിട്ടില്ലാത്ത ഏറ്റവും പുതിയ രോഗം.
പണ്ഡിതനും പാമരനും, കോളേജ് കുമാരന്‍മാരും കുമാരിമാരും തെല്ല് അഹങ്കാരത്തോടെ
കൊണ്ടു നടക്കുന്ന രോഗം. കൊച്ച് കുട്ടികള്‍ മുതല്‍ കുട്ടിത്തം വിട്ടു
മാറാത്ത തൊണ്ണൂറ്റിയെട്ടുകാരനും ഇത് അല്‍പം സുഖം പകരുന്ന ഒരു അസുഖം.
ആര്‍ക്കും ഈ അസുഖത്തെക്കുറിച്ച് ആവലാതിയില്ല എന്നത് ഈ അസുഖത്തിന്റെ മാത്രം
പ്രത്യേകത.
അല്പന് മൊബൈല്‍ കിട്ടിയാല്‍ അര്‍ദ്ധരാത്രിയിലും ഫോണ്‍വിളി എന്നാണല്ലോ പുതിയ
ചൊല്ല്. ചുമ്മാ പറയുന്നതല്ല. ബസ്സില്‍ പോകുമ്പോളും, എന്തിനേറെ രാവിലെ
ജോഗിംഗിന് ഇറങ്ങുമ്പോഴും മലയാളിയുടെ കൂടെ കാണും മൊബൈല്‍. കാരണം ഇതില്ലാതെ
മലയാളിക്കിന്ന് ഒരു മിനിറ്റ് പോലും കഴിച്ചു കൂട്ടാനാവില്ലല്ലോ.
